Qytaıdaǵy 5G: Bir fılmdi eki sekýndta júkteýge bolady
QHR-dyń Qazaqstandaǵy Tótenshe jáne Ókiletti elshisi Chjan Hanxýeıdyń aıtýynsha, buryn Qytaı elektrondy chıpterdi syrttan kóptep satyp alatyn. Al oǵan ketken aqsha munaıǵa jumsalǵan qarjydan da kóp boldy. «Qazir biz ol chıpterdi ózimiz shyǵarymyz. Sapasy da, texnologııalyq kórsetkishi de joǵary. Mysaly, Huawei kompanııasy uıaly telefondardyń chıpterin qurastyrady. Ol chıpterdiń bir kvadrat santımetrinde 4,5 mlrd tranzıstor bar. Bul - aqylǵa syımaıtyn nárse. Degenmen, aqparattyq texnologııalardyń qazirgi deńgeıi soǵan jetti», - deıdi Ch.Hanxýeı.
Elshiniń sózine qaraǵanda, qytaılyqtar keń jolaqty ınternettiń eń kúshti úlgisin iske qosty. Búginde 5G jelisin tartý sharalary atqarylyp jatyr. «Men atalǵan jeliniń jyldamdyǵyn mysalmen keltireıin. Jaqynda Qytaıdaǵy bir stadıonda ótken kontsert kezinde jańa jelini synaqtan ótkizdi. Sharaǵa jınalǵan 80 myńdaı adam kontsertti smartfondarǵa túsirip, tanystaryna jiberdi. Sonda árbir kórermenge sekýndtyna 200 Mb bolatyn ınternet taratyldy. Ondaı jyldamdyqpen bir fılmdi 2-5 sekýndta júkteýge bolady. Munyń barlyǵy - jańa texnologııalar», - dep atap kórsetti Ch.Hanxýeı.
Aıta keteıik, búgin elshi Ch.Hanxýeı jýrnalıstermen kezdesip, ekijaqty baılanystardy damytý jaıynda aıtyp berdi. Onyń sózine qaraǵanda, Qytaıdyń qazaq xalqyna degen qyzyǵýshylyǵy artyp keledi. Budan bólek, elshi Qytaıdaǵy aqparattyq texnologııalardy damytý máselesine toqtaldy.