Qytaıda zilzala týraly ósek taratyp júrgender qamaýǵa alynýda
ASTANA. Sáýirdiń 27-si. QazAqparat - Shyǵys Qytaıda polıtsııa zulmat zilzalanyń bolatyndyǵy týraly qasaqana ósek taratty degen kúdikpen bir áıeldi qamaýǵa aldy. Nankın qalasynyń 25 jastaǵy turǵyn áıeline «qoǵamdyq tártipti buzdy» degen aıyp taǵylyp otyr, dep habarlady «Sınhýa» agenttigi.
Polıtsııanyń anyqtaýynsha, álgi kelinshek Internette «Nankınde jaqyn arada mindetti túrde bolatyn zilzala týraly» habar ornalastyryp, «biz oǵan daıyn bolýymyz» kerek dep málimdeme jasaıdy. Jáne osy málimdemesi úshin Dın hanym abaqtyǵa jabylady.
Shynyn aıta ketý kerek, Qytaıda birneshe ret qýatty zilzalanyń bolǵany shyndyq. 1976 jyly jerasty dúmpýiniń saldarynan Tanshan qalasynda 242 myńdaı adam qurban bolsa, 2008 jyly Sychýan provıntsııasynda bolǵan zilzala saldarynan 80 myńnan astam adam apat bolǵan edi. Al tarıhı jylnamalarǵa súıensek, HVI ǵasyrda Qytaıda zulmat zilzala bolyp, onyń saldarynan 1 mıllıonǵa deıin adam opat bolǵan.
