Qytaıda zilzala qurbandarynyń sany 2 myńnan asty
ASTANA. Sáýirdiń 20-sy. QazAqparat - Qytaıdyń soltústik-batysynda bolǵan zilzala qurbandarynyń sany 2 myń adamǵa jaqyndady. Qutqarý operatsııalaryn júrgizip jatqan shtab osyndaı derekter jarııalady, dep habarlaıdy Sınhýa agenttigi.
Qazirgi tańda 1 myń 944 adamnyń qazasy rastalyp otyr, taǵy 216 adam ázirge iz-túzsiz joǵalǵandar sanatynda. Jalpy eseppen 12 myń 135 adam jaralandy, onyń 1 myń 434-i - aýyr jaǵdaıda jatyr.
Qutqarýshylar úıindilerdi tazalaýdy jalǵastyrýda, Tiri qalǵandardy tabýdyń múmkindigi kún saıyp azaıyp keledi, sebebi zilzala ótken aptada oryn aldy. Degenmen, qutqarýshylar tańerteń úıindilerdiń astynda 123 saǵat boıy jatqan
68 jastaǵy er azamat pen 4 jasar qyz balany qazyp aldy.
Esterińizge sala keteıik, sáýirdiń 14-inde Tsınhaı provıntsııasynyń ıÝıshý-Tıbet avtonomııalyq ólkesinde kúshi 7,1 baldyq jer silkinisi boldy. Jerasty dúmpýiniń kindigi ıÝıshý ýezinde 33 shaqyrymdaı tereńdikte oryn alǵan zilzala Sychýan jáne Tıbet avtonomııalyq aýdanynyń birqatar provıntsııalarynda sezilgen. Apat aımaǵyndaǵy qutqarý sharalary altynshy táýlik boıy jalǵasýda.
