Qytaıda Zıka vırýsyn juqtyrǵan úshinshi adam tirkeldi
ASTANA. QazAqparat - Keshe Qytaıda Zıka vırýsyn juqtyrǵan úshinshi adam tirkeldi. Bul týraly eldiń Ulttyq densaýlyq saqtaý jáne otbasyn josparlaý komıssııasy málimdedi, dep jazady 24.kz.
Chjetszıan provıntsııasynyń 38 jastaǵy turǵyny Fıdjı jáne Samo araldarynan oralǵan. Onyń sózinshe, týrıstik sapar kezinde birneshe ret masa shaǵyp alypty. Eline oralarda qyzýy kúrt kóterilgen. Qazir osyǵan baılanysty Qytaı halyqaralyq áýejaıda sanıtarlyq baqylaýdy kúsheıtip, arnaıy qurylǵy ornatty.
Qytaıdyń Gýanchjoý qalasyndaǵy halyqaralyq áýejaı shuǵyl áreketterge kóshti. Sóıtip, elge oralǵan jolaýshylardyń Zıka bezgegin juqtyrǵanyn anyqtaıtyn qurylǵy ornatty. Ushyp kelgen adamdardyń qyzýyn baqylaý beketinde arnaıy apparat ólshep turady.
Osyndaı sharalardyń arqasynda Qytaıda ekinshi ret Zıka vırýsyn juqtyrǵan azamat der kezinde anyqtalǵan. Qaýipti dert alǵashynda Venesýelaǵa baryp qaıtqan er adamnan tabylǵan edi. Qazir onyń beti beri qarap, jazylyp keledi.
