Qytaıda jyl basynan beri 270 adam qus tumaýyn juqtyrǵan
ASTANA. QazAqparat - Qytaıda jyl basynan beri qus tumaýymen (H7N9) aýyrǵandar sany 270 adamdy qurady, sonyń saldarynan 87 adam kóz jumdy, dep habarlaıdy khovar.tj «Sınhýa» agenttigine silteme jasap.
«Dúrbeleńniń aldyn alyp, úı qustaryn tasymaldaý men satýdy qadaǵalaý úshin juqpaly indettiń órshýi týraly aqparat keńinen taralýy tıis», - dep agenttik QHR Memlekettik keńesi otyrysynyń qorytyndysy boıynsha bekitilgen málimdemeden úzindiler keltirdi.
Aǵymdaǵy jyl basynan beri Lıaonın, Tszıansý, Chjetszıan, Shandýn, Henan, Gýandýn, Gýıchjoý, Hýbeı, Hýnan ı Sychýan jáne Beıjiń turǵyndarynyń qus tumaýyn juqtyrǵany anyqtaldy.
Eń alǵash qus tumaýy Qytaıda 2013 jyldyń naýryz aıynda adamnan tabyldy. Áli kúnge deıin onyń adamnan adamǵa aýa tamshylary arqyly juqqany jaıly derek joq. Qus tumaýynyń órshýi 2013-2014 jyldary Qytaıda 36 adamnyń ómirin jalmady.
