Qytaıda júzdegen áýe reısteri keıinge shegerildi
ASTANA. QazAqparat - Beıjiń halyqaralyq áýejaıynda 500-ge tarta reıs keıinge shegerildi. Buǵan qoıý tútin men bultty aýa raıy sebep. Bılik shaharda dabyl qaǵý júıesiniń «qyzǵylt» deńgeıin jarııalaǵan, dep habarlaıdy Habar 24 telearnasy.
Bul tútin 3 kún boıy seıilmeı qoıǵanda jarııalanatyn dabyl. Áýejaı ákimshiliginiń málimdeýinshe, ushaqtardyń tek 43 paıyzy ǵana áýege kóterilgen.
Budan basqa, eldiń barlyq soltústik aımaǵyndaǵy tas joldar jabyldy. Beıjińniń keıbir aýdandarynda tútin 200 metr bıiktikke deıingi aýmaqty tumshalap tastaǵan. Quzyrly organdar qarttar men balalardyń syrtqa beı-saýat shyqpaýyn ótinip otyr.
