Qytaıda júrgizýshisi joq avtobýs 30 shaqyrymdaı jol júrip, synaqtan sátti ótti
ASTANA. QazAqparat - Qytaıda álemde júrgizýshisiz basqarylatyn birinshi avtobýstyń test-draıvy sátti ótti.
Synaqtyń tabysty ótkizilýi týraly 8 qyrkúıekte qytaılyq «ıÝıtýn» avtobýs kompanııasynyń dúısenbi kúni jasaǵan málimdemesine silteme jasaǵan Sınhýa agenttigi habarlady.
Chjenchjoý qalasynan Henan provıntsııasyna shyqqan júrgizýshisiz basqarylatyn avtobýs 30-dan astam shaqyrymdaı jol júrip, Kaıfen qalasyna jetti. Arasynda baǵdarshamdar qoıylǵan 26 jol qıylysy bar osyndaı úlken qashyqtyqtan ótý kólik quralynda ornatylǵan eki taspa, tórt lazerlik qashyqtyq ólsheýish qural, keshendi navıgatsııalyq júıe jáne mıllımetrlik dıapazondaǵy radardyń arqasynda múmkin boldy.
Tehnıkanyń bul ǵajabyna ıe «ıÝıtýn» kompanııasy 2014 jyldyń qorytyndylary boıynsha avtobýstardy satýdan álemde birinshi oryn alyp otyr.
