Qytaıda júrdek poıyz relsten shyǵyp, mashınıst qaza tapty

BEIJІŃ. QazAqparat – Qytaıdyń Gýıchjoý provıntsııasynda senbi tańerteń jolaýshylar júrdek poıyzy laı kóshkini saldarynan relsten shyǵyp ketti. Saldarynan bir adam qaza taýyp, segizi jaraqat aldy, dep habarlaıdy QazAqparat menshikti tilshisi Qytaı ortalyq telearnasyna silteme jasap.

D2809 poıyzy Gýııan qalasynan (Gýıchjoý provıntsııasy) Gýanchjoýge (Gýandýn provıntsııasy) bara jatqan. Apat jergilikti ýaqytpen saǵat 10:30-da Jýntszıan stantsııasynda bolǵan.

Onda kenet laı kóshkini bolyp, temirjoldy basyp qalǵan. Tótenshe jaǵdaı saldarynan jolaýshylar poıyzynyń eki vagony relsten shyǵyp ketti.

Qytaı ortalyq telearnasynyń málimetinshe, qaza tapqan adam poıyzdyń mashınısi, bir jolserik pen jeti jolaýshy jaraqat alǵan.

Zardap shegýshiler jergilikti aýrýhanaǵa jetkizilip, olarǵa medıtsınalyq kómek kórsetildi.

Qalǵan 136 jolaýshy shuǵyl evakýatsııalandy. Oqıǵanyń mán-jaıy anyqtalyp jatyr. TJ bolǵan jerde apattyq-qutqarý jumystary júrip jatyr.