Qytaıda júk kóligi aýdarylyp, 8 adam mert boldy, 11-i jaraqattandy

ChJENChJOÝ.Sınhýa-QazAqparat – Henan provıntsııasy (Ortalyq Qytaı) Sınıan qalasy Shanıaen ýezi aýmaǵynda seısenbi kúni jol-kólik oqıǵasy bolyp, saldarynan 8 adam qaza tapty, 11-i jaralandy, dep habarlaıdy QazAqparat Sınhýa agenttigine silteme jasap.

Oqıǵa 15 qyrkúıekte tańerteń bolǵan. júk kóligine tıelgen sarymsaq abaısyzdyqtan jolǵa shashylyp ketken. Osyny estigen jaqyn aýdandaǵy turǵyndar ony alý úshin oqıǵa ornyna kelgen. Keıinirek qıyrshyq tas tıegen basqa júk kóligi týra joldyń osy bóliginde aýdarylyp, sarymsaq jınap jatqan adamdardy basyp qalǵan.

Eki adam oqıǵa ornynda mert boldy, zardap shekken alty adam aýrýhanada kóz jumdy. Sondaı-aq 11 turǵyn jaraqat alǵan.

Jergilikti bılik ókilderi qaıǵyly oqıǵanyń sebepterin tergeý úshin arnaıy top qurdy.