Qytaıda júk kemesi sýǵa batyp ketti: 7 adam habar-osharsyz joǵalǵan

BEIJІŃ. QazAqparat – Shyǵys Qytaı teńizinde Chjoýshan qalasynyń mańynda bortynda 13 adam bolǵan qurǵaq júk tasymaldaýshy keme sýǵa batyp ketti. Bul týraly «Sınhýa» agenttigi beısenbi kúni Chjetszıan provıntsııasynyń izdeý-qutqarý ortalyǵyna silteme jasap málim etti,dep habarlaıdy QazAqparat tilshisi.

Provıntsııanyń izdeý-qutqarý ortalyǵy ótken sársenbide qurǵaq júk kemesinen qatty tolqyndardyń saldarynan júk turatyn bóligi sý astynda qalǵany týraly apat sıgnalyn alǵan bolatyn. Bortta ekıpajdyń 13 múshesi bolǵan, olardyń tórteýi qutqaryldy, ekeýi qaza tapty, al qalǵandary habar-osharsyz ketti. TJ aýdanynda izdestirý-qutqarý operatsııasy júrgizilip, oǵan 20 qutqarý kemesi jumyldyryldy. Júk kemesi Fýtszıan provıntsııasynyń Sıamen teńiz portyna 4,7 myń tonna beton apara jatqan.

Avtory: Rýslan Sýleımenov