Qytaıda joldama úshin baq synaıtyn boksshylarymyzdyń esimderi belgili boldy
ASTANA. QazAqparat - 24 naýryz - 3 sáýirde Qytaıda bokstan olımpıadalyq irikteý jarysy ótedi. Bul synǵa Qazaqstannan qatysatyn boksshylar esimi belgili boldy, dep habarlaıdy alaman.kz.
52 kelide Azııa chempıony Oljas Sáttibaev, 56 kelide 2013 jylǵy álem chempıonatynyń qola júldegeri Qaırat Eralıev, 64 kelide jasóspirimder arasyndaǵy olımpıadanyń chempıony Abylaıhan Júsipov, 75 kelide 2013 jylǵy álem chempıony Jánibek Álimhanuly, 81 kelide London olımpıadasynyń kúmis júldegeri Ádilbek Nııazymbetov, +91 kelide Ivan Dychko joldamaǵa talasady.
49 kelide Birjan Jaqyp, 60 kelide Berik Ábdirahmanov, 69 kelide Danııar Eleýsinov joldama ıelengen.
Qyzdar arasynda joldama úshin álem chempıony 51 kelide Nazym Qyzaıbaı, 60 kelide Nazym Ishanova, 75 kelide Darıǵa Shakımova sharshy alańǵa shyǵady.
