Qytaıda jolaýshylar avtobýsy jaryldy
ASTANA. QazAqparat - Qytaıdaǵy Ibın (Sychýan ońtústik-batys provıntsııasy) qalasynda jolaýshylar avtobýsyndaǵy órt pen artynsha oryn alǵan jarylys qasaqana uıymdastyrylǵan bolyp shyqty. Bul týraly jýrnalısterge qalanyń kólik kompanııasynan habarlady, dep jazady sheteldik BAQ.
Avtobýstaǵy jarylys jergilikti ýaqyt boıynsha saǵat 17:00-de (máskeý ýaqyty boıynsha 13:00), kólik adamdarǵa lyq toly kezde oryn alǵan. Kólikte bolǵandardyń kópshiligi sabaqtan keıin úılerine qaıtyp bara jatqan oqýshylar bolatyn.
Qaıǵyly oqıǵa saldarynan bir adam qaza taýyp, 20 adam jaraqat aldy.
Tilshilerge avtobýs jolaýshylarynyń bergen suhbaty boıynsha, salonda aldymen benzınniń ıisi kúrt údep, artynsha jalyn lap ete qalǵan. Polıtsııa oqıǵanyń sebepterin tergeýdi jalǵastyrýda.
Ótken jyldyń maýsymynda eldiń shyǵysyndaǵy Sıamen qalasynda (Fýtszıan provıntsııasy) avtobýsty qasaqana jaǵyp jiberý saldarynan 47 adam ajal qushyp, 34-in kúıik shalǵan.
