Qytaıda jol-kólik apaty kezinde 7 adam qaza taýyp, 23 adam jaraqat aldy
BEIJІŃ. 31 mamyr. QazAqparat /Rýslan Súleımenov/ - Qytaıdyń Shensı soltústik-batys ýálaıatyndaǵy kólik magıstralindegi jerasty ótkelinde avtobýstyń apatqa ushyraýy saldarynan jeti adam qaza taýyp,
23 adam túrli dene jaraqattaryn aldy, dep habarlady «Sınhýa» agenttigi.
Alty adam aýrýhanaǵa jetkizildi, olardyń jaǵdaıy aýyr delinip otyr.
34 jolaýshysy men júrgizýshisi bar avtbýs jyldamdyǵy qatty kólik magıstralinde apatqa ushyrady. Jolaýshylardyń biriniń aıtýynsha, avtobýs kenetten basqarýyn joǵaltyp alyp, tonneldiń qabyrǵasyna soǵyldy, odan keıin qorǵanys jaqtaýlaryna soqtyǵysyp, joldyń ortasynda aýdarylyp qaldy.
Aldyn ala tergeý kórsetkendeı, jol-kólik apatyna avtobýs júrgizýshisiniń jyldamdyqty asyryp jibergeni sebep bolǵan.
