Qytaıda jol apatyna túsken qazaqstandyq stýdent qaıtys boldy (FOTO)
BEIJІŃ-GÝANChJOÝ. QazAqparat - 9 jeltoqsan kúni QHR Gýandýn provıntsıasynyń Gýanchjoý qalasynda jol apatyna ushyraǵan 20 jastaǵy qazaqstandyq Erlan Amangeldiulynyń júregi toqtap qaldy. Bul týraly QHR-daǵy QazAqparat tilshisine stýdenttiń dostary Aıdos Rahadılov pen Nargız Shandozova habarlady.
Eske sala keteıik, Ońtústik Qytaı tehnologııalyq ýnıversıtetiniń 4 kýrs stýdenti Erlan Amangeldiuly 22 qarasha kúni tańǵy 8-de mototsıklmen jol apatyna túsip, aýrýhanaǵa jatqyzylǵan. Ol 26 qarashaǵa deıin es-tússiz jatty. Odan keıin stýdent ózdiginen tynys alyp, qasyndaǵylardy seze bastaǵan.
