Qytaıda joǵalǵan balalardyń fotosýretteri sý quıylǵan bótelkelerdiń syrtyna japsyrylatyn boldy
ASTANA. QazAqparat - Jeltoqsanda Qytaıda joǵalǵan balalardy izdestirý boıynsha jańa kompanııa jumysyn bastamaq. Aýyz sý quıylǵan bótelkelerge balalar sýretteri japsyrylyp, olar týraly aqparat ornalastyrylady.
Joba Baobeihuijia.com. kámeletke tolmaǵandardy izdeý boıynsha iri ınternet-portaldyń járdemdesýimen iske asyrylady.
Birinshi partııa 8 ben 18 jas aralyǵyndaǵy balalardyń fotosýretteri bar 500 myń bótelkeni qamtıdy, dep habarlaıdy «Nantszao jıbao». Joǵalǵan balalardyń ata-analary olardy aýyz sý quıylǵan bótelkelerdegi fotosýretterdiń kómegimen izdeýge kelisimderin berdi. Sýdy adamdar kóp shoǵyrlanatyn jerlerde: saýda oryndarynda, metroda, vokzaldar men ózge de jerlerde satý boljanyp otyr.
Baobeihuijia.com ınternet-portaly 1704 balany tabýǵa kómektesken. Portalda jalpy sany 31 myń otbasy balalaryn izdestirýde, dep jazady epochtimes.ru.
