Qytaıda jigit jas sábıin iPhone alý úshin satyp jibergen
ASTANA. QazAqparat - 19 jastaǵy qytaılyq Dýan týǵan balasyn satqany úshin úsh jylǵa bas bostandyǵynan aıyryldy, dep habarlaıdy The Epoch Times.
Jańa týǵan sábı qyzyn jigit bir jyl buryn anasynyń kelisiminsiz satyp jibergen. Qolǵa tıgen aqshaǵa jumyssyz áke iPhone smatrfonyn jáne mototsıkl satyp alǵan.
Balany satyp alýshyny ol ǵalamtordan tapqan, balanyń qunyn 3 500 dollarǵa baǵalaǵan.
Tártip saqshylary sábıdi satyp alýshynyń ony balasy joq qaryndasyna bermek bolǵandyǵyn anyqtady.
Osy oqıǵa boıynsha tergeý júrgizilip, aıyptynyń sýretteri jergilikti BAQ-ta jarııalanǵan kezde Dýan polıtsııaǵa óz erkimen kelip berildi. Al, sábıdiń anasy múgedek baýyryna kútim jasaıtyndyqtan oǵan shartty túrde jaza taǵaıyndady.
