Qytaıda jerleý rásiminen soń 30 adam ýlanyp qaldy
ASTANA. QazAqparat - Qytaıdyń Sychýan provıntsııasynda jerleý rásiminen soń eki adam mert bolyp, taǵy 30 adam aýrhanaǵa jetkizildi, dep jazady lenta.ru.
Jeksenbi kúni, 18 jeltoqsanda Bachjýn okrýginiń turǵyndary bir aýylda turatyn azamatty jerleý rásimine qatysqan.
Sina.com.cn portalynyń habarlaýynsha, jerleý rásimine qatysýshylarǵa tańǵy as retinde oramjapyraqtan daıyndalǵan sorpa men túrli qospalar berilgen. Qonaqtardyń kópshiligi tamaqtanǵan soń ózderin jaısyz sezinip, aýrýhanaǵa kelgen. Dárigerler olardyń taǵamnan ýlanǵanyn aıtyp otyr. Úsh adam ıntensıvti terapııaǵa jatqyzyldy.
2015 jyldyń qańtar aıynda Mozambıkte jerleý rásiminde syradan ýlanyp, 72 adam qaıtys boldy. Polıtsııanyń málimetteri boıynsha, belgisiz bireýler syraǵa qoltyraýynnyń ótin qosyp ketken.
