Qytaıda jergilikti qazaq turǵyndaryn soqqyǵa jyqqan qurylysshylar keshirim surady
BEIJІŃ. QazAqparat - Shyńjańda «Chjýngo Tszıaotýn Tszıanshe Tszıtýan» qytaı qurylys kompanııasy jumysshylary men jergilikti turǵyndar arasynda bolǵan janjal quqyqtyq negizde qaralýda, dep habarlady QHR buqaralyq aqparat quraldary.
Mamyrdyń 2-i kúni Qytaıdyń soltústik-batysyndaǵy Shyńjar-Uıǵyr avtonomııalyq ólkesi Úrimji qalasynyń mańyndaǵy Dabachen aýdanynda jol jóndeýmen aınalysatyn qytaı kompanııasynyń jumysshylary men jergilikti turǵyndar arasynda janjal shyqqan. Munda eki jaq bir-birine kúsh kórsetken. Qytaıdyń áleýmettik jelileriniń aqparaty boıynsha, jappaı tóbeleske 100-den astam adam qatysqan. Saldarynan jergilikti eki turǵyn, sol jerdegi etnıkalyq qazaqtar (QHR azamattary) zardap shekken. Qazir olarǵa aýrýhanada medıtsınalyq kómek kórsetilýde.
Qaqtyǵys bıliktiń jergilikti turǵyndarǵa tıesili jer telimderi arqyly ótetin avtojol salý týraly sheshiminen keıin oryn alǵan. Turǵyndar memleket menshigine alynatyn jer úshin usynylǵan ótemaqy mólsherimen kelispegen.
«Chjýngo Tszıaotýn Tszıanshe Tszıtýan» qurylys kompanııasynyń ókilderi beısenbi, 8 mamyr kúni buqaralyq aqparat quraldary arqyly jarııalaǵan habarlamasynda zardap shekkender men olardyń otbasylarynan keshirim surap, aqshalaı túrde ótemaqy tóleýge kepildik beretinderin aıtty.
