Qytaıda jerasty ıadrolyq kesheni murajaıǵa aınaldyryldy
ASTANA. Sáýirdiń 27-si. QazAqparat - Qytaı ókimeti kezinde taýly óńirde salynǵan áskerı ıadrolyq keshen ornalastyrýǵa arnalǵan tonneldi murajaıǵa aınaldyrdy.
«Sınhýa» agenttiginiń habarlaýynsha, murajaıǵa alǵashqy kelýshiler Chýntsın qalasyna jaqyn mańda sonaý 1966 jyldan bastap qurylysy qupııa júrgizilgen nysanmen tanysa aldy.
Strategııalyq nysannyń qurylysy 1984 jyly aıaqtalady. Al 2002 jyly joba jarııa etiledi. Aýqymy jaǵynan Azııada osy ortalyqqa teń keletin nysan bolmaǵan. Ol uzyndyǵy 20 shaqyrymdaı tonnelge ornalasýy kerek bolatyn, al reaktorǵa arnalǵan alań fýtbol alańymen shamalas bolǵan.
