Qytaıda jer úıden órt shyǵyp, jeti adam qaza tapty

BEIJІŃ. QazAqparat – Qytaıdyń shyǵysyndaǵy Chjetszıan provıntsııasynyń Nınbo mańyndaǵy jeke úıden órt shyǵyp, saldarynan jeti adam qaza tapty, dep habarlaıdy QazAqparat tilshisi Penpaı basylymyna silteme jasap.

Habarlamaǵa sáıkes, 11 tamyz kúni jergilikti ýaqyt boıynsha saǵat 22:20 shamasynda Nınbo qalasy (Chjetszıan provıntsııasy, Shyǵys Qytaı), Týan aýylyndaǵy úılerdiń birinde órt shyqqan.

Dabyl sıgnaly boıynsha órt ornyna órt sóndirý jáne avarııalyq-qutqarý bólimsheleri, jedel járdem brıgadasy jáne basqa da tótenshe jaǵdaılar qyzmeti bardy.

Órt bir saǵattan keıin 23:30-da sóndirildi. Órt saldarynan jeti adam qaza tapty. Tótenshe jaǵdaıdyń sebepteri men mán-jaıy anyqtalýda.

Foto: pixabay.com