Qytaıda jer silkinisinen mert bolǵandardyń sany 192-ge jetti, 12 myńǵa jýyq adam jaraqattanǵan
BEIJІŃ. 23 sáýir. QazAqparat - Qytaı provıntsııasy Sychýandaǵy jer silkinisinen qaza tapqandar sany 192 adamǵa jetti, 23 turǵyn habar-osharsyz ketken.
12 myńǵa jýyǵy jaraqattansa, olardyń ishinde bir myń adamnyń jaǵdaıy tym múshkil. Bul týraly jergilikti bılik ókilderi habarlaıdy.
Jańbyr jáne jalǵasqan jer dúmpýleriniń saldarynan apat aýdanynda birneshe márte kóshkin júrdi. Bul apat aımaǵynda qalǵan jergilikti 1,72 mln. turǵynǵa kómektesýge jáne izdestirý-qutqarý jumystaryn júrgizýge qıyndyq keltirip otyr.
Sychýan provıntsııasynda bolǵan zilzalaǵa baılanysty halyqaralyq qoǵamdastyq úkimet pen halyqqa ózderiniń kóńilderin bildirip, qoldaý kórsetýde. Qazaqstan Prezıdenti Nursultan Nazarbaev QHR Tóraǵasy Sı Tszınpınge kóńil aıtý jedelhatyn joldady.
QHR basshysy dúısenbi kúni túrli memleketterdiń úkimetteri men halqyna, halyqaralyq uıymdarǵa qoldaýlary úshin alǵysyn bildirdi.
«Eger kómek qajet bolsa, biz mindetti túrde ózge memleketterge júginemiz», - dep atap ótti Tsın Gan.
