Qytaıda jer silkinisinen keıin kól paıda boldy
ASTANA. QazAqparat - Ótken jeksenbi kúni Hýnshııan aýylynyń mańynda bolǵan kúshti jer silkinisinen keıin taýly ózende kól paıda boldy. Onyń jaǵalaýdan asýy 800 jergilikti turǵynǵa qaýip tóndirip otyr.
ITAR-TASS jazǵandaı, bul týraly Ortalyq qytaı telearnasy habarlady. Halyqty aýyldan kóshirý jumystary júrgizilýde.
Sońǵy málimetter boıynsha, kúshi 6,5 baldyq zilzaladan keıin qurban bolǵan adamdar sany 380-nen asty.
Apat saldarynan 12 myń qurylys nysany qırap, taǵy 30 myńyna zaqym keldi. Keıbir eldi mekender qaýsyrap qaldy, dep habarlaıdy Qytaıdyń buqaralyq aqparat quraldary. Kýágerlerdiń aıtýynsha, qırandylardyń astarynda qaza bolǵandardyń máıitteri qalyp jatyr.
Qazir zardap shekken aýdandarda 10 myńǵa jýyq áskerıler, polıtsııa qyzmetkerleri men órt sóndirýshiler jumys isteýde. Qutqarýshylardyń jumysyna apat ornynda qaıtalap bolǵan dúmpýler kedergi keltirýde.
Kóptegen joldar áli ashylǵan joq, kópirler opyryldy. Zardap shekkenderge kómek kórsetip, apat zardaptaryn joıýdy tezdetýdi jeksenbi keshke QHR tóraǵasy Sı Tszınpın tapsyrdy.
Jer silkinisi 3 tamyz kúni jergilikti ýaqyt boıynsha 16:30 kezinde boldy. Jer asty dúmpýleriniń oshaǵy 12 shaqyrym tereńdikte ornalasqan. Epıtsentri Chjaotýnnan ońtústik-batysqa qaraı 23 shaqyrym jerde ornalasqan. 1974 jyly osy oryndarda jer silkinisinen keıin 1400 adam qurban boldy.
