Qytaıda jer silkinisinen bir adam opat boldy, 320-dan astam adam zardap shekti
ASTANA. QazAqparat - Qytaıdyń ıÝnnan provıntsııasynda jer silkinisi saldarynan bir adam qaza bolyp, 324-i jaraqattandy. QHR azamattyq ákimshilik mınıstrliginiń málimetterine súıengen TASS zardap shekkenderdiń segiziniń jaǵdaılary aýyr dep habarlady. Kúshi 6,6 ball bolatyn jer asty dúmpýi seısenbi keshke Pýer qalalyq aýdanynyń Tszıngý ýezinde boldy. Jer silkinisiniń oshaǵy 5 shaqyrym tereńdikte ornalasqan.
Apattan zardap shekken aýdanda birqatar úıler qıraǵan nemese zaqym kelgen. Sý jáne energııamen qamtý jalpy buzylmaǵan. Jergilikti bıliktegiler Pýerǵa 10,6 myń shatyr, kórpe men kıim jiberdi.
Eske sala keteıik, osy jyldyń 3 tamyz aıynda Lýdıan ýezinde bolǵan kúshi 6,5 baldyq jer silkinisinen ıÝnnan provıntsııasynyń 600-den astam turǵyny qaza boldy.
