Qytaıda jer silkinisin aldyn ala eskertetin álemdegi eń iri júıe quryldy
BEIJІŃ. QazAqparat - Qytaıda jer silkinisin erterek habarlaı alatyn álemdegi eń iri júıeni qurý jumysy aıaqtaldy, dep habarlady «The Global Times».
«Qazirgi kúni provıntsııalardaǵy 25 seısmıkalyq qaýipti aımaqqa 5010 stansa ornatyldy. Ol 650 mln. adam turyp jatqan 2 mln. sharshy shaqyrym qashyqtyqtaǵy seısmıkalyq belsendilikti baqylaı alady», - dedi Qytaıdaǵy jetekshi seısmologııalyq ǵylymı-zertteý ortalyǵynyń dırektory Van Týn.
«Jer silkinisi bastalardan 10 sekýnd buryn, zilzala epıtsentrinen 50 shaqyrym qashyqtyqta turatyn adamdarǵa habar jiberiledi», - dedi Van Týn. Biraq, onyń aıtýynsha atalǵan qyzmet túrin seısmıkalyq qaýipti aımaqtaǵy 650 mln. turǵynnyń ishinen tek, 1 mln.-daıy ǵana paıdalanady. Aıta keteıik, ǵylymı zertteýler nátıjesi kórsetkendeı, zilzala týraly aldyn ala 3 sekýnd buryn jasalǵan eskertý baqytsyz jaǵdaıdy 14 paıyzǵa, 10 sekýnd buryn jasalǵan eskertý 39 paıyzǵa, 20 sekýndtyq aldyn ala qulaqtandyrý apattaǵy adam shyǵynyn 63 paıyzǵa azaıtady.
