Qytaıda jer silkinisi saldarynan qaza bolǵandardyń sany 400-ge jetip, 10 myńnan astamy zardap shekti

Apat orynynda jumys jasap jatqan qutqarýshylar úıindilerdi arshyp, onyń astynda qalǵan jaralylardy shyǵarýda. Qutqarý operatsııalary telefon baılanysynyń úzilýine baılanysty qıyndyqtar týdyryp otyr, dep habarlaıdy Associated Press qytaı telearnasyna silteme jasap.

Buǵan deıin jergilikti bılik 300 adam qaza taýyp, 8 myń adam jaraqat alǵandyǵy týraly habarlaǵan bolatyn.

Túrli derekter boıynsha, jer silkinisiniń magnıtýdasy 6,9-dan 7,1-ge deıingi aralyqta búgin Tıbet taýly ólkesiniń Tsınhaı provıntsııasynda oryn alǵan.