Qytaıda jer silkinisi saldarynan 8 adam qaza boldy
ASTANA. QazAqparat - Qytaıdyń soltústik-batysynda jer silkinisi saldarynan segiz adam mert bolyp, taǵy 11-i jaraqattandy, dep habarlaıdy Reuters.
11 mamyr kúni Shyńjań-Uıǵyr avtonomııalyq ólkesinde bolǵan jer silkinisiniń qýaty - 5,5 ball. Zilzala epıtsentri Qashqar aımaǵy Tasqorǵan okrýginiń shalǵaı jatqan aýdanynda ornalasty. Jerasty dúmpýiniń oshaǵy segiz shaqyrym tereńdikte bolǵan.
Keıbir ǵımarattardyń qabyrǵasy zaqymdanǵan nemese qıraǵan. Zardap shekkender týraly aqparattar áli de túsip jatyr.
Aıta keteıik, atalmysh óńirde jer silkinisi jıi bolyp turady.
