Qytaıda jer silkinisi saldarynan 34 adam zardap shekti
ASTANA. 1 shilde. QazAqparat - Qytaıdyń Shyńjań-Uıǵyr avtonomııalyq aýdanynda oryn alǵan jer silkinisinen zardap shekkenderdiń sany 34-ke jetti.
Atalǵan eldiń seısmologııalyq qyzmetiniń aqparatyna sáıkes, jer dúmpýi saldarynan Shyńjańda memlekettik mańyzy bar tas jolǵa taý jynysy qulap, shamamen 120 adam syrtqy álemmen baılanysqa shyǵýǵa esh múmkindik ala almaı otyr. Silkinis ory alǵan aýdanda shamamen 4375 turǵyn úı búlingen.
Esterińizge sala keteıik, keshe Astana ýaqyty boıynsha saǵat 03.07-de (Grınvıch ýaqyty boıynsha saǵat 21.07-de 29 maýsymda) Almaty qalasynan 630 shaqyrym shyǵysqa qaraı, Qytaıdyń aýmaǵynda 6,6 baldyq kúshpen jer silkindi. Zilzala 2 baldyq jıilikpen Almaty qalasynda, 3-4 baldyq jıilikpen Qazaqstan men Qytaıdyń shekaralyq aýdandarynda baıqaldy.
