Qytaıda jer silkinisi bes adamnyń ómirin qıdy
ASTANA. QazAqparat - Qytaıdyń ońtústik-batysynda bolǵan jer silkinisiniń saldarynan keminde 5 adam qazaǵa ushyrady, 300-den astamy ártúrli jaraqattarymen aýrýhanaǵa jetkizildi jáne 100 myńnan astam adam kóshirildi, dep habarlady Rosbalt Sınhýa agenttigine silteme jasap. Qıratýlardan kelitirilgen zalal 300 mln. dollarǵa baǵalanyp otyr.
Keshe ońtústik-batystaǵy qytaılyq ıÝnnan provıntsııasy 6,6 balldyq jer silkinisinen zardap shekti. Jerasty dúmpýleri provıntsııanyń astanasy - Kýnmınde jáne iri qalalarda sezildi. Zilzala kindigi óziniń shaı dástúrlerimen tanymal Pýer qalasynan 85 shaqyrym jerde boldy. Halqy tyǵyz, tehnologııalyq jaǵynan damymaǵan aımaqta negizinen ulttyq azshylyq ókilderi turady.
Qutqarý jumystaryna qytaı armııasynyń 3200sarbazy, 800 órt sóndirýshi jáne qyzmettik ıtter qatystyrylýda.
Bul jer Úndistan men Eýrazııalyq tektonıkalyq jerasty qyrtystarynyń túıisken jeri bolǵandyqtan seısmıkalyq belsendiligi joǵary bolyp keledi. Tamyz aıynda da osynda kúshi 6,1 balldyq jer silkinisi bolyp, 600-den astam qytaılyqtardyń ómirin qıyp ketken bolatyn.
