Qytaıda jer silkinisi 1706 adamnyń ómirin qıdy
BEIJІŃ. Sáýirdiń 19-y. QazAqparat /Rýslan Súleımenov/ - Qytaıdyń Tsınhaı provıntsııasynyń ıÝıshý ýezinde oryn alǵan jer silkinisiniń saldarynan qaza bolǵandardyń sany 1706 adamǵa jetti. Taǵy 256 adam iz-túzsiz joǵalǵandar sanatynda, al 12 128 adam túrli jaraqat alǵan, olardyń 1424-iniń jaǵdaıy aýyr dep baǵalanyp otyr, dep habarlady apat saldaryn joıý jónindegi shtabtan.
Qytaı Tóraǵasy Hý Tszıntao jeksenbi kúni apat aýmaǵynda boldy. Eldegi zilzalaǵa baılanysty Latyn Amerıkasyna saparyn qysqartqan el basshysy senbi kúni sheteldik sapardan elge oralǵan bolatyn.
Esterińizge sala keteıik, sáýirdiń 14-inde Tsınhaı provıntsııasynyń ıÝıshý-Tıbet avtonomııalyq ólkesinde kúshi 7,1 baldyq jer silkinisi boldy. Jerasty dúmpýiniń kindigi ıÝıshý ýezinde 33 shaqyrymdaı tereńdikte oryn alǵan zilzala Sychýan jáne Tıbet avtonomııalyq aýdanynyń birqatar provıntsııalarynda sezilgen. Apat aımaǵyndaǵy qutqarý sharalary besinshi táýlik boıy jalǵasýda.
Osy oqıǵadan keıin, Beıjińde de jer silkinýi múmkin degen áńgimeler paıda boldy. Biraq Beıjiń seısmologııalyq basqarmasy bul tóńirekte jer silkinisiniń bolý yqtımaldyǵyn teriske shyǵardy jáne qala turǵyndaryn ósek áńgimelerge qulaq aspaýǵa shaqyrdy.
