Qytaıda jer silkinip, mektep oqýshylary evakýatsııalandy

BEIJІŃ. QazAqparat – Beısenbi kúni Qytaıdyń ońtústik-batysyndaǵy Sychýan provıntsııasynda magnıtýdasy 4,7 jer silkinisi boldy, dep habarlaıdy QazAqparat.

Qytaı seısmologııalyq ortalyǵynyń málimetinshe, jerasty dúmpýler jergilikti ýaqytpen saǵat 11:03-te Sychýan provıntsııasyndaǵy Mıanıan qalasynyń Beıchýan ýezinde tirkelgen. Onyń tereńdigi – 20 shaqyrym.

Keshe Sychýan provıntsııasynda kúshtiligi 4,6 baldyq jer silkinisi bolǵan. Qytaı Ortalyq telearnasynyń málimetinshe, búgingi jerasty dúmpýlerden keıin jergilikti mektep qyzmetkerleri oqýshylardy qaýipsiz jerge shyǵarýǵa dereý kirisken.

Zardap shekkender týraly málimet túsken joq.