Qytaıda Jeńis sherýine daıyndyq ótip jatyr (FOTO)
BEIJІŃ. QazAqparat - Beıjiń mańyndaǵy bazada Qytaıdyń Halyq-azattyq armııasynyń áskerıleri qytaı halqynyń Japonııaǵa qarsy soǵystaǵy jeńisiniń jáne Ekinshi dúnıejúzilik soǵystyń aıaqtalýynyń 70 jyldyǵyna arnalǵan sherýge daıyndalyp jatyr.
3 qyrkúıekte Tıananmen beıjińdik alańdaǵy sherýge Qytaı qarýly kúshteriniń shamamen 50 eshelony qatysady: 12 myń áskerı, 40 túrli 500 tehnıka, aspanǵa 20 túrli shamamen 200 ushaq kóteriledi.
Sherýge jumyldyrylǵan tehnıkanyń 84% alǵash ret kórsetiledi. Sherýge daıyndyq boıynsha basqarýshy top bastyǵynyń orynbasary Tsıýı Jýıdyń sózine qaraǵanda, sherýge onnan astam eldiń ókili qatysady. Olardyń ishinde Qazaqstan men Reseı bar. Qytaı halqynyń Japonııaǵa qarsy soǵystaǵy jeńisiniń jáne Ekinshi dúnıejúzilik soǵystyń aıaqtalýynyń 70 jyldyǵyn merekeleýge oraı QHR basshylyǵynyń shaqyrýymen Beıjińge Qazaqstan, Reseı, Mońǵolııa, Mysyr, Chehııa jáne Ońtústik Koreıa prezıdentteri keledi dep kútilýde. Eske sala keteıik, 18 tamyzdan bastap, Beıjiń mańyndaǵy áskerı bazalardyń birinde sherýge qatysý úshin Qazaqstan Qorǵanys mınıstrliginiń qurmetti qaraýyl rotasy (100 adamnan astam) qytaılyq áriptesterimen birlesip daıyndyqtan ótip jatyr.
