Qytaıda jemqorlyqqa qatysty 1,3 mln sheneýnik jazalandy
ASTANA. QazAqparat - Qytaıda sońǵy 5 jyl ishinde sybaılas jemqorlyqqa qatysa bar 1,3 mln sheneýnik jazaǵa tartyldy. Bul týraly Reuters agenttigi QHR Kommýnıstik partııasynyń Ortalyq komıssııasyna silteme jasap habarlaıdy.
Jazaǵa tartylǵan sheneýnikterdiń 648 myńy aýyldy eldi mekenderde qyzmet etken. Sondaı-aq, sońǵy jyldar ishinde joǵary laýazymdy sheneýnikterge de qatysty kóptegen qylmystar áshkerlengen.
Komıssııa bergen aqparattarǵa sáıkes, ótken jyly eldegi shamamen 155 myń partııalyq uıym tekserilgen. Komıssııa sybaılas jemqorlyq faktileri bar 65 myń isti sotqa joldaǵan.
