Qytaıda jedel qurylys salýdyń jańa rekordy ornatyldy: kópir 43 saǵattyń ishinde
ASTANA. QazAqparat - Qytaıda jedel qurylys salýda jańa rekord ornatyldy, bul joly osyndaı ádispen kópirler salynýda. Beıjińde alty jolaqty kólik aǵyny mol Sanyuanqiao kópiri eki táýlikke jetpeıtin ýaqyt ishinde jańǵyrtyldy.
Shanghaiist.com saıtynyń habarlaýynsha, jóndeý jumystary 13 qarashada jergilikti ýaqytpen 23:00-da bastalǵan bolatyn, 43 saǵattan keıin tolyq qaıta jasalyp, syrlanǵan kópir avtomobılder qozǵalysy úshin ashylyp úlgerildi.
Kópirdiń betin jabý úshin 1300 tonnalyq qurastyrma qajet boldy, ol daıyn kúıinde jetkizildi. Merdiger ókiliniń habarlaýynsha, oǵan jańa «ıntegratıvtik aýystyrý» tehnologııasy paıdalanyldy.
Jergilikti bılik eksperımentti quptady, óıtkeni ádettegi ádispen jańǵyrtqan jaǵdaıda buǵan keminde eki aı qajet bolar edi. Alaıda bul Beıjińniń soltústik-shyǵysyndaǵy 3 saqına jolyn jalǵastyratyn, áýejaıǵa jáne 101-shi kúrejolǵa shyǵatyn júrdek magıstraldi uzaq ýaqyt jaýyp qoıýǵa bolmaıtyn edi.
Eske sala keteıik, Beıjińde sondaı-aq bıik úılerdi de shapshań salý ıgerildi. Máselen, bıylǵy jyly 57 qabatty záýlim úı 2,5 apta ishinde salynǵan, dep habarlady newsru.com .
