Qytaıda jaýǵan qar saldarynan 100 myńǵa jýyq adam vokzalda qalyp qoıdy
ASTANA. QazAqparat - Qytaıda tolassyz jaýǵan qar saldarynan ondaǵan myń adam temirjol stansalarynda qalyp qoıǵan.
Eldiń ońtústigindegi Gýanchjoý stansasynda dúısenbige qaraǵan túni 100 myńǵa deıin adam jınalyp qalǵan, dep habarlady jergilikti polıtsııadan.
Qazirgi kezde onda poıyzben ketýdi kózdegen 50 myńnan astam adam qalyp otyr.
Qar mólsheriniń kóptiginen poıyzdardyń keıbireýleri qozǵalysyn toqtatsa, endi bireýleri ósirilgen ıntervalmen júrýde.
Qardyń mundaı mol jaýǵany Qytaılyq Jańa jyldy toılaýmen tuspa-tus kelip otyr, dep habarlaıdy Bı-bı-sı.
Polıtsııa tártipti kúzetýge 5200 qyzmetker jumyldyrylǵanyn málimdedi.
