Qytaıda jasy 2735 jylǵa jetken aǵash tabyldy
ASTANA. 6 jeltoqsan. QazAqparat - Tszılın provıntsııasynyń orman sharýashylyǵy basqarmasynyń sheshimimen Chanbaıshan taýlarynda Tszenfenlın qoryǵy quryldy.
Munda osy jerden tabylǵan 2735 jyldyq shilik erekshe qorǵalatyn bolady.
Tszılın provıntsııasynyń Helýn qalasynyń Hýangoý orman sharýashylyǵynan habarlaǵandaı, orman resýrstaryn zertteý kezinde shilikterdiń sırek kezdesetin toby anyqtalǵan. Olardyń eń irisiniń dıametri 185 santımetrdi quraıdy. Aǵashtyń dińin eresek tórt adam ǵana qoldarymen qorshaı alady.
Tszılın qalasynyń orman sharýashylyǵy ınstıtýtynyń mamandary bul shilikke 2735 jyl bolǵan dep esepteıdi. Uzaq jasaýshy aǵashtyń joǵary jaǵy jaratylysynan synǵysh bolǵandyqtan, onyń uzyndyǵy nebári 13 metrdi quraıdy.
Qoryq aımaǵynda 900 jyldyq tarıhy bar taǵy 14 «kári aǵash» bar. Sonyń birine - 1826 jyl. Onyń bıiktigi 17 metr, dińiniń dıametri 126 santımetr, dep habarlady Rosbalt.
