Qytaıda jarylys týraly jalǵan aqparat taratqan 50 saıtqa tyıym salyndy
ASTANA. QazAqparat - Qytaılyq Tıantszın qalasynda bolǵan jarylystarǵa baılanysty jalǵan aqparat taratyp, abyr-sabyr jaǵdaıyn týdyrǵany úshin 50 saıtqa tyıym salyndy, dep habarlady «Sınhýa».
Sheneýnikterdiń málimetinshe, jalǵan jańalyqtardyń ishinde «jarylysta kem degende 1 myń adam qaza tapty», «Tıantszındegi saýda ortalyqtary tonaldy», «Tıantszın úkimetinde basshy aýysty» degen aqparattar bolǵan.
18 saıt lıtsenzııadan aıyryldy, 32 saıttyń qyzmeti ýaqytsha toqtatyldy.
Bılik aldaǵy ýaqytta da jalǵan aqparat taratatyn resýrstardy tekseretinin aıtty.
Osyǵan deıin habarlanǵandaı, Tıantszındegi jarylys saldarynan qaza tapqandardyń sany 112 adamǵa jetti. Іz-túzsiz joǵalǵandardyń tiziminde 95 adam bar.
