Qytaıda jarylys saldarynan qurban bolǵandardyń sany 44 adamǵa deıin jetti
ASTANA. QazAqparat - Qytaı eliniń Tıantszın qalasynda bolǵan jarylys saldarynan kóz jumǵan adamdardyń sany 44-ke deıin jetti, dep málimdedi oqıǵa zardaptaryn joıý jedel shtabynan.
Qaza tapqandardyń arasynda 12 órt sóndirýshi bolǵan.
Aýrýhanada 250 adam jatyr, bul rette 66 naýqastyń jaǵdaıy óte aýyr dep baǵalanýda. Buǵan deıin dárigerler emhanalarǵa jetkizilgenderdiń shyny jáne tas synyqtarymen jaraqattanǵanyn habarlaǵan.
12 tamyzdyń keshinde Tıantszın qalasyndaǵy tez janatyn zattar qoımasynda jarylys bolǵan. Kýágerlerdiń habarlaýynsha, jarylys tolqyny birneshe shaqyrym jerde sezilgen. Shamamen jarty mınýttan keıin ekinshi jarylys boldy. Budan keıin budan az qýattylyqtaǵy jarylystar estildi, shamalanyp otyrǵandaı, kemejaıdaǵy detonatsııalanǵan oq-dáriler jarylǵan.
Sol aýdanda ornalasqan ǵımarattardyń shynylary synǵan, jarylys ornyna jaqyn turǵan úıler qırady.
Jarylystyń sebebi resmı túrde aıtylǵan joq, alaıda China Central Television (SSTV) telearnasy qalalyq kemejaıdyń júk termınalyndaǵy jarylǵysh zattar men janar-jaǵarmaı tsısternalarynyń partııasy jarylǵanyn habarlap otyr.
