Qytaıda japondardyń jumysy toqtap jatyr
ASTANA. 18 qyrkúıek. QazAqparat - Japondyq kompanııalar toby Qytaıdaǵy dúkenderi men zaýyttaryn jabýda. Bul qadamdar Senkaký aralyna talasýǵa qatysty aýmaqtyq janjalǵa baılanysty jappaı japonǵa qarsy shyǵýdan týyndaýda, dep jazady 1tv.kz.
RBK habarlaǵandaı, negizinen, Panasonic kompanııasy olarǵa arnalǵan qurylǵy isten shyqqannan keıin elektronıka óndiretin eki zaýytynyń jabylǵanyn aıtty. Kompanııanyń resmı ókili málim etkendeı, eki nysannyń birinde jumysshylar «joıý áreketterine» kóshken.
Canon tsıfrly kamerasyn óndirýshiler ózderiniń Qytaı aýmaǵyndaǵy tórt zaýyttarynyń úsheýi ýaqytsha jabyldy dep habarlady. Atalǵan sharalar qyzmetkerlerdiń qaýipsizdigin qamtamasyz etý maqsatynda jasalǵan. Sondaı-aq All Nippon Airways áýe operatory Qytaıdan Japonııaǵa ushpaıtyn bolǵan reıster sanynyń artqanyn málimdedi.
Esterińizge sala keteıik, Japonııanyń Shyǵys Qytaı teńizindegi Senkaký aralyn óz ıeligine aınaldyrý nıeti QHR-daǵy Japonııaǵa qarsy jappaı ereýilderge ákep soqqan bolatyn. Ereýilshiler Japonııaǵa qarsy shara qoldanylýyn talap etti. Japonııaǵa qarsy ereýilder kezinde júzden astam japondyq markaly kólikter órtelip jiberdi. Sonyń saldarynan Tokıo Pekınge japondyq azamattardyń, oladyń múlikteriniń qaýipsizdigin qamtamasyz etýdi suraýǵa májbúr boldy. Qytaıdyń ońtústigindegi Gýandýn provıntsııasynyń Shenchjen qalasynda polıtsııa ereýilshilerdi kózdi jasaýratatyn gazdyń jáne sýly zeńbirekterdiń kómegimen taratty. Daýly araldarǵa qytaılyq keme kerýeni bet aldy.
