Qytaıda januıalary shetelde turatyn shendi-shekpendilerdiń laýazymdary kóterilmeıtin boldy
ASTANA. 17 qańtar. QazAqparat - Qytaıda áıelderi nemese balalary shet memleketterde turatyn sheneýnikterdiń mansabyn ósirmeý týraly sheshim qabyldandy. Atalmysh shara jemqorlyqqa qarsy qoǵamdyq qozǵalystyń aıasynda jasalýda, dep habarlaıdy ITAR-TASS agenttigi jergilikti basylymdarǵa silteme jasap.
Atalmysh bastamany eldegi kommýnıstik partııanyń Ortalyq komıteti kóterip otyr. Bul qadam bıýdjet qarjysyn jymqyryp, shetelge qashyp ketetin Qytaıdaǵy paraqor sheneýnikterdiń sanyn azaıtady dep kútilýde.
Sonymen qatar óz qyzmetine salǵyrt qaraǵany úshin laýazymynan tómendetilgen fýnktsıonerler bir jylǵa deıin joǵarylatylmaıtyn bolady. Qujatta atap kórsetilgendeı, qyzmetkerlerdiń eń zııandy ádetterine jumystaǵy formalızm, bıýrokratızm jáne gedonızm syndy qasıetteri kórsetilgen.
