Qytaıda jańajyldyq «Chýnıýn» maýsymy bastaldy, 2,91 mlrd adam tasymaldanbaq
ASTANA. QazAqparat - Qytaıda jeksenbi, 24 qańtarda jańajyldyq «Chýnıýn» jolaýshylar tasymaldaý maýsymy bastaldy.
2016 jyly maýsym 24 qańtardan 3 naýryzǵa deıin sozylady, budan buryn QHR Ulttyq damý jáne reformalar komıssııasy aǵymdaǵy jyly eldiń kólik júıesi jolaýshylardyń rekordtyq sanyn - 2,91 mıllıard adam tasymaldaıtynyn habarlaǵan. Bul 2015 jylmen salystyrǵanda, 3,6 paıyzǵa artyq.
Qytaıda jańajyldyq sapar maýsymyna arnaıy «Chýnıýn» ataýy berilgen. Ol álemdegi iri kóshi-qon qubylysy bolyp tabylady: júzdegen qytaılyqtar Jańa jyldy otbasynda qarsy alý úshin úılerine barady.
«Chýnıýn» ádette, aı kúntizbesi boıynsha Jańa jyl, kóktem merekesi - «Chýntsze» bastalǵanǵa deıin 14 kún buryn bastalady. 2016 jyly ol 8 aqpanda túnde bastalady. Qytaıda resmı jańajyldyq merekeler 7-13 aqpan aralyǵynda ótedi, dep habarlaıdy RIA Novostı.
