Qytaıda janarmaı tasıtyn kóliktiń jarylýynan qaza tapqandar sany 19 adamǵa jetti
HANChJOÝ. SINЬHÝA. QazAqparat – Qytaıdyń shyǵysyndaǵy Chjetszıan provıntsııasynda avtotsısternanyń jarylýy saldarynan qaza tapqandar sany 19 adamǵa jetti. Bul týraly jergilikti bılik jeksenbi kúni tańerteń bolǵan baspasóz konferentsııasynda aıttty, dep habarlaıdy QazAqparat Sınhýaǵa silteme jasap.
Jaraqat alǵandar sany – 172 adam, sonyń ishinde 24 adam aýyr halde jatyr. Barlyǵy aýrýhanalarda em qabyldaýda.
Eske salaıyq, apat keshe keshke 16:40-ta bolǵan edi. Suıyltylǵan munaı gazy tıelgen avtotsısterna Shenıan-Haıkoý tasjolynda Lıanshan aýylynyń mańynda jarylǵan bolatyn.
Ekinshi ret jarylǵan kólik quraly tasjoldyń mańyndaǵy kólik sheberhanasyna qulaǵan kezde taǵy jarylys boldy. Sonyń saldarynan zaýyt sheberhanasynyń mańaıyndaǵy turǵyn úıler de opyryldy.
Qazirgi ýaqytta oqıǵa ornyna 2660 qutqarýshy, 151 qutqarý kóligi jáne 30-dan astam qurylǵy jiberildi, dep habarlady Venlın qalasynyń vıtse-meri Chjý Mınlıan baspasóz konferentsııasynda.
Jergilikti qorshaǵan ortany qorǵaý organdary apat mańyndaǵy aýa men sýdyń lastaný deńgeıine monıtorıng júrgizip jatyr. Ázirge aıtarlyqtaı eshteńe tabylǵan joq.
Zardap shekkenderdi qutqarý jáne izdeý jumystary jalǵasyp jatyr. Apattyń neden bolǵany anyqtalýda.
