Qytaıda jańalyqtardy vırtýaldy dıktor júrgize bastady

ASTANA. QazAqparat - Búkilálemdik ınternet-konferentsııasynda «Sınhýa» aqparat agenttigi qytaılyq Sogou kompanııasymen birlesip, álemdegi alǵashqy «AI sıntezdi dıktordy» tanystyrdy, dep habarlaıdy QazAqparat agenttiktiń saıtyna silteme jasap.

AI tehnologııasyna negizdelgen «sıntezdi dıktor» er adamnyń beınesinde jasalǵan. Ol naqty adamnyń  dybysyn, bet álpetin jáne adamnyń naqty qozǵalysyn beıneleı alady. 

Bul tehnologııa qytaı jáne aǵylshyn mátinderinde sáıkes mazmunnyń beınesin avtomatty túrde jasaı alady jáne mátinderdi kásibı dıktorlar sekildi retinde oqyp beredi.

«Sınhýa» agenttiginiń habarlaýynsha, «AI sıntezdi dıktor» - Sınhýa aqparat agenttiginiń jańalyqtar tobynyń resmı múshesi. Ol óziniń resmı veb-saıtynda jáne áleýmettik medıa-platformalarda táýligine 24 saǵat jumys isteıdi.

Bul tehnologııany paıdalana otyryp, «Sınhýa» aqparat agenttigi jańalyqtar taratý kezindegi shyǵyndaryn azaıtady jáne tıimdilikti arttyrady.