Qytaıda jańa vırýsty juqtyrǵandar sany kúrt artty
CCTV málimeti boıynsha, sońǵy táýlikte 27 provıntsııada (aýdan, qalalar) 259 adam vırýs juqtyryp, 8 adam qaza boldy.
«23 qańtar saǵat 24:00-degi jaǵdaı boıynsha, 29 provıntsııada (aýdan, qalalar) jańa koronavırýsty barlyǵy 830 adam juqtyrǵany rastalyp, ólimmen aıaqtalǵan 25 oqıǵa tirkeldi», - delingen Qytaıdyń Densaýlyq saqtaý jáne gıgıena boıynsha ulttyq komıssııasynyń habarlamasynda.
Jańa koronavırýsqa Gonkongta - 2, Makaoda - 2 jáne Taıvanda 1 adam shaldyqqany zerthanalyq jaǵdaıda rastaldy.
Sonymen qatar, Taıland (3), Japonııa (1), Ońtústik Koreıa (1), AQSh (1), Vetnam (2) jáne Sıngapýrde (1) ınfektsııany juqtyrǵan toǵyz naýqas tirkeldi.
Syrqattarmen baılanysta bolǵan barlyǵy 9507 adam oqshaýlandyryldy: olardyń 1087-i aýrýhanadan shyǵaryldy, al 8420-y áli de karantınde.