Qytaıda jańa optıkalyq teleskop ornatylady

BEIJІŃ. QazAqparat – QHR Shyńjań Uıǵyr avtonomııalyq aýdanynyń (ShUAA) ońtústik bóligindegi bıik taýǵa jańa optıkalyq teleskop ornatylady, dep habarlaıdy QazAqparattyń menshikti tilshisi.

Qytaı ǵylym akademııasy janyndaǵy Shyńjań observatorııasynyń aqparaty boıynsha, jańa teleskop ShUAA ońtústik bóligindegi taýda ornalasqan baqylaý stantsııasyna, teńiz deńgeıinen 4250 metr jerge ornatylady. Ol úlkendigi boıynsha QHR-da úshinshi oryn alady. 1,9 metrlik optıkalyq teleskop 2024 jyly maýsymda paıdalanýǵa beriledi. Mamandardyń aıtýynsha, jańa teleskoptyń kómegimen alynatyn astronomııalyq sýretterdiń sapasy 0,4 buryshtyq sekýndqa jetýi múmkin.

Shyńjańnyń bul aımaǵynda atmosferadaǵy ylǵal mólsheriniń az bolýy men aglomeratsııalardyń jaryq kedergisin bógeıtin bıik shyń optıkalyq baqylaýǵa minsiz jaǵdaı jasaıdy. Ony álemdik dárejedegi astronomııalyq observatorııalarmen salystyrýǵa bolady.