Qytaıda jańa koronavırýs juqtyrǵandar sany kúrt artty
BEIJІŃ. QazAqparat – Qytaıda koronavırýstyń jańa túri tarap jatyr, taǵy 77 adam atalǵan aýrýdy juqtyryp alǵan, dep habarlaıdy QazAqparat Qytaıdyń ulttyq densaýlyq saqtaý isi jónindegi komıssııasyna silteme jasap.
«Osy jyldyń 20 qańtary saǵat 24:00-degi jaǵdaı boıynsha, koronavırýstyń jańa úlgisine shaldyqqandar sany 291-ge jetti (270 – Ýhanda, beseýi – Beıjińde, 14-i – Gýandýn provıntsııasynda (Ońtústik Qytaı), ekeýi – Shanhaıda. Qytaıdyń 14 provıntsııasynda aýrý juqtyrýy múmkin 54 adam bar», - delingen komıssııa habarlamasynda.
Olardyń arasynda mynadaı provıntsııalar bar: Haınan, Tszılın (Soltústik Shyǵys Qytaı), Anhoı (Ortalyq Qytaı), Chjetszıan men Tszıansı (Shyǵys Qytaı), Gýıchjoý (Ońtústik Batys Qytaı) men Nınsıa-Hýeı avtonomııalyq aýdany (Soltústik Batys Qytaı).
Dárigerler naýqastarmen baılanysta bolǵan 1739 adamdy oqshaýlady. Olardyń basym bóligi aýrýhanadan shyǵaryldy, biraq 922 adam tyıym salynǵan orynda.
Ýhan qalasynyń meri Chjoý Sıanvannyń málimetinshe, osy aýrýdan alty adam kóz jumǵan.
Rýslan Súleımenov
