Qytaıda jańa kompıýterlik vırýs paıda boldy
ASTANA. QazAqparat - Qytaıda mamyrda álemniń 150 eliniń kompıýterlerin zaqymdaǵan WannaCry vırýsyna uqsas jańa kompıýterlik vırýs paıda boldy. Bul týraly Cheetah Mobile mobıldik qosymshasyn ázirleıtin kompanııa ókiline silteme jasap TASS habarlaıdy.
Onyń aıtýyna qaraǵanda, Green Hat vırýsy paıdalanýshyǵa operatsııalyq júıeni iske qosýǵa múmkindik bermeıdi. Kompıýter ekranynda QHR-da belgili QQ (900 mln astam paıdalanýshy) messendjeri akkaýntynyń nómirimen tereze paıda bolady. Faıldardy sheshý úshin paıdalanýshy akkaýnt nómiri boıynsha ázirleýshilermen baılanysyp, parol alý úshin aqy tóleýi tıis. Telearna atap ótkendeı, Green Hat ereksheligi onyń ázirleýshileri akkaýnt nómirlerin qupııa ustamaýynda.
12 mamyrda belgisiz hakerler 74 elde Windows operatsııalyq júıesimen kompıýterlerdi shabýyldady. Qaskóıler WannaCry vırýsyn paıdalandy. Derekterdi sheshý úshin qylmyskerler Bitcoin krıptovalıýtasyna $600 tóleýdi talap etken. Hakerler AQSh ulttyq qaýipsizdik agenttigi paıdalanǵan tyńshylyq baǵdarlamalyq qamtamasyz etýdi qoldanǵan.
