Qytaıda jalpyulttyq halyq sanaǵy bastalady

1-10 qarasha aralyǵynda 6 mıllıonnan astam sanaqshy 400 mln. astam úılerdi aralaıdy. Sanaqshylardyń árqaısysy 80-100 úıdi aralaýǵa mindetti. Osylaısha olardyń árqaısysy eldegi 250-300 turǵyn týraly habar beredi.

Bul halyq sanaǵy eldegi adam sanyn ǵana anyqtap qoımaı, olardyń jynysyn, jasyn, etnıkalyq qajettiligin, bilim deńgeıin, sonymen qatar halyqtyń kásibı quramyn da anyqtaıtyn bolady. Qytaı bıligi osy sanaq halyqtyń kóshi-qony, áleýmettik qamtamasyz etilýi, neke, týý deńgeıi, adam ólimi, úımen qamtamasyz etilýi sııaqty máselelerdegi jaǵdaıdy retteýge kómektesedi dep úmittenedi. Qytaı sanaǵynyń tarıhynda alǵash ret Qytaı Halyq Respýblıkasynyń azamattary ǵana emes, shetel adamdary da sanalatyn bolady.

Memlekettik statıstıka basqarmasynyń málimetteri boıynsha, halyq sanaǵyna ketetin shyǵyn mólsheri 1,2 mlrd. AQSh dollaryn quraıdy.

Esterińizge sala keteıik, QHR-daǵy alǵashqy sanaq 1953 jyly, keıin 1964, 1982, 1990 jáne 2000 jyldary júrgizilgen. 2009 jyldyń sońynda Qytaıda 1,334 mlrd. halyq bar ekeni anyqtalǵan bolatyn.