Qytaıda jalpy kólemi $64 mlrd somada zańsyz operatsııalar júrgizgen kóleńkeli bank jabyldy
ASTANA. QazAqparat - Qytaı bıligi jalpy somasy $64 mlrd-ty quraıtyn zańsyz valıýtalyq operatsııalardy júrgizgen kóleńkeli banktiń jumysyn toqtatty. Uıym «16 qyrkúıek» degen ataýmen belgili bolǵan. Bul týraly juma kúni Associated Press Chjetszıan provıntsııasy Tszınhýa qalasynyń polıtsııasyna silteme jasap habarlady.
Polıtsııa aqparatynsha, bankti basqarǵan qylmystyq júıege Jao Mýı jetekshilik etken. Kem degende 2013 jyldan ol Qytaıdan 100 mlrd ıýannan astam ($15,6 mlrd) qarajatty shyǵardy. Bul úshin jalǵan gonkongtyq kompanııalardyń atyna ashylǵan 850 bank shotyn paıdalandy. Bul fırmalar Qytaıda operatsııalar júrgize alatyn jáne elden aqsha shyǵara alatyn rezıdentter emes úshin ashylǵan. ıÝandardy Jao Mýı ary qaraı iri álemdik bankterde ózge valıýtaǵa aıyrbastaǵan, sonyń ishinde Gonkongtaǵy HSBC Holdings bólimshesinde de aıyrbastaǵan.
Bank ókili málimdeme jasaýdan bas tartty. Polıtsııanyń aıtýynsha, qaskóılerdi anyqtaý men ustaý úshin bir jyldan astam ýaqyt ketti. Bul shara 2014 jyldyń qyrkúıeginde bastaldy. Bılik 1,3 mln-nan astam kúdikti tranzaktsııany tekserýge májbúr boldy. Jao Mýıa bankiniń isi boıynsha barlyǵy 370 adam ustaldy.
