Qytaıda jaqsy saqtalǵan 300 mıllıon jylǵy orman tabyldy
ASTANA. 23 aqpan. QazAqparat - Qazirgi Soltústik Qytaı aýmaǵynda budan 298 mıllıon jyl buryn jaıqalǵan sýbtropıkalyq ormandy qytaılyq jáne sheteldik ǵalymdar toby zertteýde, dep habarlady ITAR-TASS agenttigi.
Sıhhýa agenttiginiń habarlaýynsha, qazirgi Іshki Mońǵolııa avtonomııalyq ólkesiniń aýmaǵyndaǵy 20 sharshy shaqyrym alqapty alyp jatqan aǵashtar jaqsy saqtalǵan. Ejelgi ormannyń jaqsy saqtalýyna ony tolyqtaı qalyń janartaý kúli tumshalaýy sebep bolǵan, dedi jýrnalısterge Nankınniń geologııa jáne paleontologııa ınstıtýty zertteý ekspedıtsııasynyń basshysy Van Tszıýn. Qazir onyń aıtýynsha, ǵalymdar myń sharshy metrge jýyq ormandy kúlden jáne basqa da orman shógindilernen tazartqan.
Van Tszıýnniń atap ótýinshe, janartaý kúli birneshe kúnniń ishinde sypyrylyp alynǵan, sondyqtan da kóptegen aǵashtar japyraqtarymen jáne butaqtarymen burynǵy kúıindegideı saqtalǵan.
Qazir zertteýshilerdiń halyqaralyq toby 300 mln jyldyq sýbtropıkalyq ormandy jańǵyrtýǵa tyrysýda.
