Qytaıda jabaıy ań etin jeýge tyıym salyndy
ASTANA. QazAqparat - Qytaı zań shyǵarýshylary sırek kezdesetin ań etin jeýge tyıym saldy. Budan bylaı bul elde tizimge engen ań etin jegeni úshin 10 jyldan joǵary bas bostandyǵynan aıyrýy múmkin, dep jazady sheteldik BAQ.
Qorǵaýǵa alynǵan ańdar tizimine alyp pandalar, altyn maımyldar, gımalaı aıýlary, pangolınder syndy 420 túrli jabaıy ań kiredi. Olardyń kóbine ómir súretin ortasynyń buzylýy, medıtsınalyq maqsatta nemese azyq úshin aýlanýy sebepti múlde quryp ketý nemese sanynyń tym azaıý qaýpi tónip tur.
Sırek kezdesetin ań etin azyq úshin aýlaý oqıǵasy elde aýqatty adamdar kóbeıgen saıyn artyp keledi. Olar bir ret bundaı shıpaly as ishý úshin myń ıýanin de aıamaıdy. Bundaı suranystyń bolýy - usynystyń artýyna ákep soǵatyny belgili. Osy sebepti ańshylar zańsyz túrde kún saıyn ańdardy atýdy kóbeıte bergen. Jańa zań boıynsha zańsyz aýlanǵan ań etin satyp alý qylmyspen teń sanalady.
